കൊച്ചി : കേരളാ കോണ്‍ഗ്രസിനു വിജയസാധ്യതയുള്ള സീറ്റാണു പാലായെന്ന് പി.സി. തോമസ്. താന്‍ സ്ഥാനാര്‍ഥിയാകണമെന്നു പലരും പറയുന്നുണ്ടെന്നും എന്‍ഡിഎ സീറ്റ് തന്നാല്‍ കേരളാ കോണ്‍ഗ്രസ് മത്സരിക്കുമെന്നും അദ്ദേഹം പറഞ്ഞു.
കേരളാ കോണ്‍ഗ്രസിന്റെ വിജയസാധ്യത എന്‍ഡിഎ യോഗത്തില്‍ ചൂണ്ടിക്കാട്ടും. ആരു മത്സരിക്കണമെന്നതിനെ കുറിച്ചു പാര്‍ട്ടിയില്‍ ചര്‍ച്ച നടക്കുന്നുണ്ടെന്നും അദ്ദേഹം അറിയിച്ചു.
കഴിഞ്ഞതവണ തന്നോടു പാലായില്‍ മത്സരിക്കാന്‍ ആവശ്യപ്പെട്ടിരുന്നു. താന്‍ മത്സരിക്കാന്‍ തയാറുമായിരുന്നു. എന്നാല്‍ ചില വ്യക്തിപരമായ കാരണങ്ങളെ തുടര്‍ന്നു പിന്‍മാറുകയായിരുന്നുവെന്നും പി.സി. തോമസ് വ്യക്തമാക്കി.
