പാലക്കാട്:പാലക്കാട് വാളയാറില്‍ കണ്ടെയ്നര് ലോറിയും ഓമ്നിയും കൂട്ടി ഇടിച്ച് രണ്ട് കുട്ടികളടക്കം അഞ്ച് പേര്‍ മരിച്ചു. കോയമ്പത്തൂര്‍ കുനിയമുത്തൂര്‍ സ്വദേശികളാണ് മരിച്ച അഞ്ച് പേരും. അപകടത്തില്‍ എട്ട് പേര്‍ക്ക് പരിക്കേറ്റു. ഷെറിന്‍, റയാന്‍, ഫൈറോജാ ബീഗം, മുഹമ്മദ് ഷാജഹാന്‍, ആല്‍ഫ സൂഫിയ എന്നിവരാണ് മരിച്ചത്.
നിര്‍ത്തിയിട്ടിരുന്ന ലോറിക്കു പിന്നില്‍ വാന്‍ ഇടിക്കുകയായിരുന്നു. അമിത വേഗമാണ് അപകടത്തിനു കാരണമെന്നു കരുതുന്നു.കോയമ്പത്തൂരിലേക്ക് പോകുന്ന വഴി ശനിയാഴ്ച ഉച്ചയ്ക്കു രണ്ടരയോടെയാണ് അപകടം. മൃതദേഹം ജില്ലാ ആശുപത്രിയിലേക്ക് മാറ്റി.
