ടെല്‍അവീവ്: പ്രശസ്ത ഫലസ്തീന്‍ ഗായികയും ന്യൂറോ സയന്റിസ്റ്റുമായ ദലാല്‍ അബു അംനെയെ ഇസ്രായേലി പൊലീസ് അറസ്റ്റ് ചെയ്തു.ഇന്നലെയാണ് ദലാല്‍ അബു അംനെയെ പൊലീസ് അറസ്റ്റ് ചെയ്തത്.സമൂഹമാധ്യമത്തില്‍ പോസ്റ്റിട്ടെന്ന കുറ്റം ചുമത്തിയാണ് ഇസ്രായേലിലെ നസ്രത്തിലെ വീട്ടില്‍ നിന്ന് അംനെയെ അറസ്റ്റ് ചെയ്തതെന്ന് ഫലസ്തീന്‍ മീഡിയ റിപ്പോര്‍ട്ട് ചെയ്തു. ‘ദൈവമല്ലാതെ വിജയിയില്ല’ എന്ന് അര്‍ഥം വരുന്ന അറബി വാചകമാണ് അംനെ പോസ്റ്റ് ചെയ്തത്.
ഇസ്രായേല്‍ പൊലീസ് അംനെയെ ചോദ്യം ചെയ്യുന്നത് തുടരുകയാണെന്നും കഴിഞ്ഞ ഒരാഴ്ചയായി ഇസ്രായേലികളില്‍ നിന്ന് അവര്‍ ഭീഷണി നേരിടുന്നതായും അഭിഭാഷകന്‍ അബീര്‍ ബക്കര്‍ പറഞ്ഞു.
ലോകപ്രശസ്ത ഫലസ്തീനിയന്‍ വിഷ്വല്‍ ആര്‍ട്ടിസ്റ്റ് ഹിബ സഖൗത്തിനെയും മകനെയും വെള്ളിയാഴ്ച ഇസ്രായേല്‍ ബോംബിട്ട് കൊലപ്പെടുത്തിയിരുന്നു. ഗസ്സ മുനമ്പില്‍ ഇസ്രായേല്‍ നടത്തിയ ബോംബാക്രമണത്തിലാണ് ഗസ്സയിലെ അല്‍-അഖ്സ യൂനിവേഴ്സിറ്റി ഫൈന്‍ ആര്‍ട്സ് ഫാക്കല്‍റ്റി പൂര്‍വ വിദ്യാര്‍ഥിനി ഹിബ സഖൗത്തും (39) കുഞ്ഞും വീരമൃത്യു വരിച്ചത്.
