നവാഗതനായ മനു അശോകൻ സംവിധാനം ചെയ്യുന്ന ഉയരെയിലെ പുതിയ പോസ്റ്റർ പുറത്തുവിട്ടു. ആസിഫ് അലിയും പാർവതിയും ഒരുമിച്ചുളള പോസ്റ്ററാണ് പുറത്തുവിട്ടിരിക്കുന്നത്.
പാർവതി തിരുവോത്ത്, ആസിഫ് അലി, ടൊവിനോ തോമസ് എന്നിവരാണ് ചിത്രത്തിൽ മുഖ്യ കഥാപാത്രങ്ങളായി എത്തുന്നത്. ആസിഡ് ആക്രമണത്തെ അതിജീവിക്കുന്ന പല്ലവി എന്ന പെൺകുട്ടിയായാണ് ചിത്രത്തിൽ പാർവതി അഭിനയിക്കുന്നത്. ഗോവിന്ദ് എന്ന കഥാപാത്രമായി ആസിഫ് അലിയും വിശാല്‍ എന്ന കഥാപാത്രമായി ടൊവിനോ തോമസും അഭിനയിക്കുന്നു.
എസ് ക്യൂബ് ഫിലിംസിന്റെ ബാനറിൽ ഷെനുഗ, ഷെഗ്ന, ഷെർഗ എന്നിവർ ചേർന്ന് നിർമ്മിക്കുന്ന ചിത്രത്തിന്റെ തിരക്കഥ ഒരുക്കുന്നത് ബോബി സഞ്ചയ് ആണ്. സിദ്ദിഖ്, പ്രതാപ് പോത്തൻ, പ്രേം പ്രകാശ്, ഭഗത് മാനുവൽ, ഇർഷാദ്, അനിൽ മുരളി, അനാർക്കലി മരിക്കാർ എന്നിവരാണ് ചിത്രത്തിലെ മറ്റ് അഭിനേതാക്കൾ. മുകേഷ് മുരളീധരനാണ് ഛായാഗ്രഹണം.
