നടി നിത്യ ദാസ് വീണ്ടും മലയാള സിനിമയിലേക്ക് തിരികെയെത്തുന്ന ചിത്രം ‘പള്ളിമണി’യുടെ ടീസർ ശ്രദ്ധേയമാകുന്നു. സൈക്കോ ഹൊറര്‍ വിഭാഗത്തിൽപ്പെടുന്ന ചിത്രത്തിൽ ശ്വേത മേനോനും പ്രധാന വേഷത്തിൽ എത്തുന്നു. വിക്ടോറിയ എന്ന കഥാപാത്രത്തെയാണ് ശ്വേത അവതരിപ്പിക്കുന്നതെന്നാണ് ടീസർ നൽകുന്ന സൂചന. ഭയവും നിഗൂഡതയും നിറഞ്ഞതായിരിക്കും സിനിമ എന്ന് ടീസർ ഉറപ്പ് നൽകുന്നു.
നടൻ കൈലാഷും സിനിമയിൽ പ്രധാന കഥാപാത്രമാകുന്നുണ്ട്. അനില്‍ കുമ്പഴയാണ് ചിത്രം സംവിധാനം ചെയ്യുന്നത്. അനിയൻ ചിത്രശാലയാണ് ചിത്രത്തിന്റെ ഛായാഗ്രാഹണം നിര്‍വഹിക്കുന്നത്. ശ്രീജിത്ത് രവിയാണ് ചിത്രത്തിന്റെ സംഗീത സംവിധായകൻ.
സജീഷ് താമരശേരിയാണ് ചിത്രത്തിന്റെ കലാസംവിധാനം നിർവഹിക്കുന്നത്. രതീഷ് പല്ലാട്ടാണ് ചിത്രത്തിന്റെ പ്രൊജക്റ്റ് ഡിസൈനര്‍.’കുഞ്ഞിക്കൂനൻ’, ‘നരിമാൻ’, ‘കൺമഷി’, ‘ബാലേട്ടൻ’ തുടങ്ങിയ സിനിമകളിൽ നിത്യ ശ്രദ്ധേയമായ വേഷങ്ങൾ ചെയ്തിട്ടുണ്ട്. മലയാളത്തിന് പുറമെ തമിഴ്, തെലുങ്ക് സിനിമകളിലും നടി ഭാഗമായിട്ടുണ്ട്. വിവാഹ ശേഷം നിത്യ അഭിനയത്തിൽ നിന്നും വിട്ടുനിൽക്കുകയായിരുന്നു.
