കണ്ണൂര്‍: കണ്ണൂര്‍ പാപ്പിനിശേരിയിലെ ആര്‍എസ്എസ് പ്രവര്‍ത്തന്‍ സുജിത്തിന്റെ മരണം രാഷ്ട്രീയ കൊലപാതകമെന്ന് പൊലീസിന്റെ പ്രാഥമിക റിപ്പോര്‍ട്ട്. വ്യക്തിപരമായ കാരണങ്ങളല്ല കൊലപാതകത്തിന് കാരണമെന്നും പൊലീസ് പറഞ്ഞു.
കൊലപാതകവുമായി ബന്ധപ്പെട്ട് എട്ട് സിപിഎം പ്രവര്‍ത്തകരെ പൊലീസ് കസ്റ്റഡിയിലെടുത്തിരുന്നു.
ഇന്നലെയാണ് കണ്ണൂര്‍ പാപ്പിനിശേരിയിലെ ആര്‍എസ് പ്രവര്‍ത്തകന്‍ സുജിത്ത് കൊല്ലപ്പെട്ടത്. സംഭവത്തിനു പിന്നില്‍ സിപിഐഎം ആണെന്ന് ബിജെപി കേന്ദ്രങ്ങള്‍ ആരോപിച്ചിരുന്നു.
എന്നാല്‍ പാപ്പിനിശേരിയില്‍ നടന്ന സംഭവത്തില്‍ സിപിഐഎമ്മിന് പങ്കില്ലെന്ന് സിപിഐഎം നേതാവ് എംവി ജയരാജന്‍ പ്രതികരിച്ചിരുന്നു. കൊലപാതകം ഒരു പെണ്‍കുട്ടിയെ അപമാനിച്ചതുമായി ബന്ധപ്പെട്ട് നടന്നതാണെന്നും ഇതിനെ ആര്‍എസ്എസ് രാഷ്ട്രീയവത്ക്കരിക്കാന്‍ നോക്കുന്നത് ദൗര്‍ഭാഗ്യകരമെന്നും എംവി ജയരാജന്‍ വ്യക്തമാക്കിയിരുന്നു.
