പാരീസ്: പിഎന്‍ബി പരിബാസ് മാസ്റ്റേഴ്‌സില്‍ നവോക് ജോക്കോവിച്ചും ആന്‍ഡി മുറെയും രണ്ടാം റൗണ്ടില്‍ കടന്നു. സ്റ്റാന്‍ വാവറിങ്ക പുറത്തായി. ഗില്ലസ് മുള്ളറിനെയാണ് ലോക ഒന്നാം നമ്പര്‍ ജോക്കോവിച്ച് അനായാസം മറികടന്നത്. നേരിട്ടുള്ള സെറ്റുകള്‍ക്കാണ് മുള്ളര്‍ പരാജയപ്പെട്ടത്. സ്‌കോര്‍: 6-3, 6-4.
എന്നാല്‍ ആന്‍ഡി മുറെ ആദ്യ കടമ്പയില്‍ തന്നെ കടുത്ത പോരാട്ടം നേരിട്ടു. സ്‌പെയിന്‍ താരം ഫെര്‍ണാണ്ടോ വെര്‍ഡാസ്‌കോയാണ് മുറെയെ വിറപ്പിച്ചത്. ആദ്യ സെറ്റ് അനായാസം നേടിയ മുറെ രണ്ടാം സെറ്റില്‍ വീണു. ടൈബ്രേക്കറിലാണ് ഫെര്‍ണാണ്ടോ രണ്ടാം സെറ്റ് സ്വന്തമാക്കിയത്. എന്നാല്‍ മൂന്നാം സെറ്റില്‍ ടൈബ്രേക്കറിലൂടെ മുറെ തിരിച്ചുവന്നു. സ്‌കോര്‍: 6-3, 6-7, 7-5.
ജര്‍മന്‍ താരം ജാന്‍ ലെന്നാര്‍ഡ് സ്റ്റര്‍ഫിനോടാണ് വാവറിങ്ക പരാജയപ്പെട്ടത്. ആദ്യ സെറ്റ് നേടിയ വാവറിങ്കയെ രണ്ടും മൂന്നും സെറ്റില്‍ കടുത്ത പോരാട്ടത്തിലൂടെ സ്റ്റര്‍ഫ് പരാജയപ്പെടുത്തിയത്. സ്‌കോര്‍: 6-3, 6-7(6-8), 6-7(1-7).
