തിരുവനന്തപുരം: ആളുകള്‍ക്കിടയില്‍ ഭിന്നതയുണ്ടാക്കുന്ന പോസ്റ്റുകള്‍ പ്രചരിപ്പിക്കുന്നത് തന്റെ പേരിലുള്ള വ്യാജ അക്കൗണ്ടില്‍ നിന്നാണെന്ന് നടി പാര്‍വതി തിരുവോത്ത്. തന്റെ പേരിലുള്ള അക്കൗണ്ടില്‍ നിന്ന് അനാവശ്യ പോസ്റ്റുകള്‍ വരുന്നതിനെക്കുറിച്ച് പ്രതികരിക്കുകയായിരുന്നു താരം. സോഷ്യല്‍ മീഡിയയിലൂടെയായിരുന്നു താരം പ്രതികരിച്ചത്.
കനത്ത മഴയില്‍ സംസ്ഥാനം വലയുന്ന ഈ അവസരത്തില്‍ കേരളത്തെ ഭിന്നിപ്പിക്കുന്ന രീതിയിലുള്ള നിരുത്തരവാദപരമായ പോസ്റ്റുകളാണ് വ്യാജ അക്കൗണ്ടില്‍ നിന്നും ഉണ്ടാകുന്നത്. അത്തരം വ്യാജ സന്ദേശങ്ങളും വാര്‍ത്തകളും പ്രചരിപ്പിക്കരുതെന്നും സോഷ്യല്‍ മീഡിയയെ നല്ല രീതിയില്‍ ഉപയോഗിച്ചു രക്ഷാപ്രവര്‍ത്തനങ്ങള്‍ക്ക് പിന്തുണ നല്‍കണമെന്നും ഒരുമിച്ച് നില്‍ക്കേണ്ട സമയമാണിതെന്നും പാര്‍വതി പറഞ്ഞു.
