ഒരു പിടി മികച്ച കഥാപാത്രങ്ങള്‍ കൊണ്ട് മലയാളികളുടെ ഉള്‍പ്പെടെ നിരവധി പേരുടെ ആരാധികയായി മാറിയ പാര്‍വതി പുതിയൊരു കഥാപാത്രത്തിനായി ഒരുങ്ങുന്നു. മലയാളത്തിന്റെ പ്രിയ എഴുത്തുകാരന്‍ എം.മുകുന്ദന്റെ കഥയായ ഓട്ടോറിക്ഷക്കാരന്റെ ഭാര്യസിനിമയാകുമ്പോള്‍ നായികയായ ഓട്ടോറിക്ഷക്കാരിയായി എത്തുന്നത് പാര്‍വതിയാണ്.
ഹരികുമാര്‍ സംവിധാനം ചെയ്യുന്ന ചിത്രത്തില്‍ ബിജുമേനോനാണ് നായകന്‍. മീത്തലെപുരയിലെ സജീവന്‍ എന്ന അലസനും മടിയനുമായ ഒരു ഓട്ടോറിക്ഷാ ഡ്രൈവറുടെ ജീവിതത്തിലേക്ക് നെടുമ്പ്രയില്‍ ബാലന്റെ മകള്‍ രാധിക എന്ന ഉള്‍ക്കരുത്തുള്ള പെണ്‍കുട്ടി കടന്നുവരുന്നതും അവള്‍ ഓട്ടോറിക്ഷ ഏറ്റെടുത്ത് ജീവിതത്തെ മുന്നോട്ടു നയിക്കുന്നതുമൊക്കെയാണ് കഥയുടെ ഇതിവൃത്തം. ചിത്രത്തില്‍ നായകനായ സജീവനെയാണ് ബിജു മേനോന്‍ അവതരിപ്പിക്കുന്നത്.
