ബിജു മേനോൻ കേന്ദ്ര കഥാപാത്രത്തെ അവതരിപ്പിക്കുന്ന ചിത്രത്തിൽ പാർവതി തിരുവോത്ത് നായികയായെത്തുന്നു. ചിത്രത്തിന്റെ ഷൂട്ടിംഗ് കഴിഞ്ഞ ദിവസം കോട്ടയത്ത് ആരംഭിച്ചു. ചിത്രത്തിന്റെ പേര് ഇതുവരെ വെളുപ്പെടുത്തിയിട്ടില്ല. കോട്ടയം ഇന്‍ഫന്റ് ജീസസ് ബഥനി കോണ്‍വെന്റ് സ്കൂളിലായിരുന്നു ആദ്യ ദിവസത്തെ ചിത്രീകരണം.
മൂണ്‍ ഷോര്‍ട്ട് എന്റര്‍ടെയ്ന്‍മെന്റിസിന്റെയും ഒ.പി.എം ഡ്രീം മില്‍സിന്റെയും ബാനറില്‍ സന്തോഷ് ടി കുരുവിളയും ആഷിക് അബുവും ചേര്‍ന്നാണ് ചിത്രം നിർമ്മിക്കുന്നത്. പ്രമുഖ ഛായാഗ്രാഹകനായ സാനു ജോണ്‍ വര്‍ഗീസാണ് ചിത്രത്തിന്റെ സംവിധായകൻ.
ഷറഫുദ്ദീന്‍, സൈജു കുറുപ്പ് , ആര്യ സലീം എന്നിവരാണ് മറ്റു പ്രധാന വേഷങ്ങൾ കൈകാര്യം ചെയ്യുന്നത്. ഛായാഗ്രഹണം ജി. ശ്രീനിവാസ റെഡിയും എഡിറ്റിംഗ് മഹേഷ് നാരായണനുമാണ് നിർവ്വഹിക്കുന്നത്. നേഹ നായരും യാക്സണ്‍ പേരെരയും ആണ് ചിത്രത്തിന്റെ സംഗീതം ഒരുക്കുന്നത്.
