പത്തനംതിട്ട: പത്തനംതിട്ട മണ്ണടിയില്‍ പണി നടന്നു കൊണ്ടിരിക്കുന്ന വീടിന്റെ ഗേറ്റ് തലയില്‍ വീണ് നാലു വയസുകാരിയ്ക്ക് ദാരുണാന്ത്യം.
മുകളുവിളയില്‍ ജാഫര്‍ ഖാന്റെ മകള്‍ സന ഫാത്തിമയാണ് ഗേറ്റ് മറിഞ്ഞു വീണു മരിച്ചത്. പിതാവിന്റെ ജേഷ്ടന്റെ ഗൃഹ പ്രവേശനം അടുത്തയാഴ്ച നടക്കാനിരിക്കെ,വീടിന്റെ ഗേറ്റിന്റെ പണി നടക്കുന്നതിനിടയിലായിരുന്നു സംഭവം.
എനാത്ത് മൗണ്ട് കാര്‍മല്‍ ഇംഗ്ലിഷ് മീഡിയം സ്‌കൂളിലെ യു.കെ.ജി വിദ്യാര്‍ഥിനിയാണ് സന ഫാത്തിമ. ഖബറടക്കം ഇന്ന് വൈകിട്ട് നാലു മണിക്ക് മണ്ണടി മുസ് ലിം ജമാഅത്ത് ഖബര്‍സ്ഥാനില്‍ നടക്കും. സഫ് വാന്‍ ഖാന്‍ (6 മാസം) സഹോദരനാണ്.
