യൂറോപ്പ്: ആഴ്സണല്‍ ഇതിഹാസം പാട്രിക് വിയേര ഫ്രഞ്ച് ലീഗ് 1 ക്ലബായ നീസിന്റെ പരിശീലകനായി ചുമതലയേറ്റു. നേരത്തെ മേജര്‍ സോക്കര്‍ ലീഗില്‍ ന്യൂ യോര്‍ക്ക് സിറ്റിയുടെ പരിശീലകന്‍ ആയിരുന്നു വിയേര. ആദ്യമായാണ് വിയേര യൂറോപ്പില്‍ പരിശീലകനാവുന്നത്.
2010ല്‍ മാഞ്ചസ്റ്റര്‍ സിറ്റിയില്‍ എത്തിയ വിയേര അവിടെ നിന്ന് കോച്ചിങ് പരിശീലനം പൂര്‍ത്തിയാക്കുകയും ശേഷം ക്ലബ്ബിന്റെ അംബാസിഡര്‍ ആയി പ്രവര്‍ത്തിക്കുകയും ചെയ്തിരുന്നു. തുടര്‍ന്ന് 2016ലാണ് ന്യൂയോര്‍ക്ക് സിറ്റിയില്‍ പരിശീലകനായി എത്തിയത്. നീസ് കോച്ച് ആയിരുന്ന ലൂസിയന്‍ ഫേവറേ ഡോര്‍ട്മുണ്ടിലേക്ക് പോയതോടെയാണ് പാട്രിക് വിയേരക്ക് നീസില്‍ അവസരം ഒരുങ്ങിയത്. മൂന്ന് വര്‍ഷത്തെ കരാറിലാണ് വിയേര നീസിലെത്തിയത് എന്നാണ് റിപ്പോര്‍ട്ടുകള്‍.
