തിരുവനന്തപുരം: കേരള നിയമസഭയില്‍ സ്വതന്ത്ര്യ എംഎല്‍എയായി സത്യപ്രതിജ്ഞ ചെയ്ത പിസി ജോര്‍ജ് സഗൗരവം ദൈവനാമത്തില്‍ സത്യപ്രതിജ്ഞ ചെയ്ത് എല്ലാവരുടെയും ശ്രദ്ധാകേന്ദ്രമായി.
സത്യപ്രതിജ്ഞയ്ക്ക് ശേഷം വിഎസ് അച്യുതാന്ദന്‍ അടക്കമുളള ഇടതുപക്ഷ നേതാക്കള്‍ക്ക് ഹസ്തദാനം നല്‍കിയാണ് ഇരിപ്പിടത്തിലേക്ക് ജോര്‍ജ് മടങ്ങിയത്.
സഭയില്‍ സത്യപ്രതിജ്ഞ ചെയ്ത 140 എംഎല്‍എമാരില്‍ 44 പേര്‍ പുതുമുഖങ്ങളാണ്. സ്പീക്കര്‍ തെരഞ്ഞെടുപ്പ് വെളളിയാഴ്ചയാണ് നടക്കുക.
കുന്നത്തുനാട്ടില്‍ നിന്നുളള കോണ്‍ഗ്രസ് എംഎല്‍എ വിപി സജീന്ദ്രനാണ് യുഡിഎഫിന്റെ സ്പീക്കര്‍ സ്ഥാനാര്‍ത്ഥി.
പി ശ്രീരമാകൃഷ്ണനെയാണ് സ്പീക്കര്‍ സ്ഥാനത്തേക്ക് ഇടതുമുന്നണി നാമനിര്‍ദേശം ചെയ്തത്
