കരാക്കസ്: വെനസ്വേലയില്‍ മഡുറോ സര്‍ക്കാരിനെതിരായ പ്രതിഷേധങ്ങള്‍ വീണ്ടും ശക്തിയാര്‍ജിക്കുന്നുവെന്ന് റിപ്പോര്‍ട്ടുകള്‍.
ആയിരങ്ങളെ പങ്കെടുപ്പിച്ചുകൊണ്ടുള്ള റാലിക്കാണ് പ്രതിഷേധക്കാര്‍ പങ്കെടുക്കുന്നത്. ഇതിനോടകം നിരവധി റാലികളും മറ്റുമാണ് പ്രതിഷേധക്കാര്‍ സംഘടിപ്പിച്ചത്. അതിനിടെ പ്രതിഷേധങ്ങള്‍ക്കിടെ മൂന്നു പേര്‍ കൂടി കൊല്ലപ്പെട്ടെന്ന് സ്ഥിരീകരിക്കാത്ത വിവരങ്ങളുണ്ട്.
രണ്ടു മാസത്തിലേറെയായി നടക്കുന്ന പ്രതിഷേധ പരിപാടികളില്‍ ഇതുവരെ കൊല്ലപ്പെട്ടവരുടെ എണ്ണം 70കടന്നെന്നാണ് വിവരം.
നേരത്തെ, പ്രതിഷേധപരിപാടികളില്‍ പങ്കെടുത്ത 2000ലേറെപ്പേര്‍ അറസ്റ്റിലായിരുന്നു. ഇവരില്‍ 700 ലേറെ പേര്‍ ഇപ്പോഴും ജയിലില്‍ത്തന്നെയാണ്. നിലവില്‍ പ്രതിപക്ഷത്തിനു കൂടി സ്വാധീനമുള്ള നാഷണല്‍ അസംബ്ലിയുടെ അധികാരങ്ങള്‍ വെട്ടിക്കുറക്കാനുള്ള നീക്കമാണ് വെനസ്വേലയില്‍ വന്‍ പ്രതിഷേധങ്ങള്‍ക്ക് വഴിവച്ചത്.
