തിരുവനന്തപുരം: സംസ്ഥാനത്ത് പെട്രോള്‍, ഡീസല്‍ വില വീണ്ടും കൂടി. ഇന്നലെ പെട്രോള്‍, ഡീസല്‍ വിലകളില്‍ മാറ്റമുണ്ടായിരുന്നില്ല. ഇന്ന് പെട്രോള്‍ ലിറ്ററിന് 77.86 രൂപയും ഡീസല്‍ ലറ്ററിന് 72.45 രൂപയുമാണ് വില. പെട്രോളിന് 8 പൈസയും ഡീസലിന് 9 പൈസയുമാണ് ഇന്ന് കൂടിയത്.
തിരുവനന്തപുരത്ത് പെട്രോള്‍ ലിറ്ററിന് 77.86 രൂപയിലും ഡീസല്‍ ലിറ്ററിന് 72.45 രൂപയിലുമാണ് ഇന്ന് വ്യാപാരം നടക്കുന്നത്. കൊച്ചിയില്‍ പെട്രോള്‍ ലിറ്ററിന് 76.5 രൂപയും ഡീസല്‍ 71.07 രൂപയുമാണ്. കോഴിക്കോട് പെട്രോള്‍ ലിറ്ററിന് 76.84 രൂപയും ഡീസല്‍ ലിറ്ററിന് 71.41 രൂപയുമാണ് ഇന്നത്തെ നിരക്ക്.
രാജ്യതലസ്ഥാനമായ ഡല്‍ഹിയില്‍ പെട്രോളിന് 74.42 രൂപയും ഡീസലിന് 67.33 രൂപയുമാണ് നിരക്ക്. രാജ്യവ്യാപാര തലസ്ഥാനമായ മുംബൈയില്‍ പെട്രോളിന് 80.08 രൂപയും ഡീസലിന് 70.63 രൂപയുമാണ് വില നിലവാരം.
