മൂന്നാര്‍: ഇടുക്കി പെട്ടിമുടി ദുരന്തത്തില്‍ മരിച്ചവരുടെ എണ്ണം 52 ആയി. തിരച്ചിലില്‍ ഒരു മൃതദേഹം കൂടി കണ്ടെത്തി. ഇതുവരെ മൂന്ന് മൃതദേഹങ്ങളാണ് ഇന്ന് കണ്ടെടുത്തത്. ഇന്നലെ വരെ നടത്തിയ തിരച്ചിലില്‍ 49 മൃതദേഹങ്ങള്‍ ലഭിച്ചിരുന്നു.
ചെല്ലദുരൈ (55), രേഖ (27), രാജയ്യ (55) എന്നിവരുടെ മൃതദേഹങ്ങളാണ് ഇന്ന് കണ്ടെത്തിയത്. ഇതില്‍ ചെല്ലദുരൈയുടെയുടെയും രേഖയുടെയും മൃതദേഹങ്ങള്‍ ഉച്ചയ്ക്ക് മുമ്പും രാജയ്യയുടെ മൃതദേഹം ഉച്ചയ്ക്ക് ശേഷവുമാണ് കിട്ടിയത്.
