ചൈ​ന​ക്കാ​രി​ക്ക് കോ​ക്പി​റ്റി​ൽ ​യാ​ത്ര ഒ​രു​ക്കി പൈ​ല​റ്റ്, പാക്‌ എ​യ​ർ​ലൈ​ൻ​സ് വീ​ണ്ടും വി​വാ​ദ​ത്തി​ൽ

ഇ​സ്‌​ലാ​മാ​ബാ​ദ്: പാ​ക്കി​സ്ഥാ​ൻ എ​യ​ർ​ലൈ​ൻ​സ് വീ​ണ്ടും വി​വാ​ദ​ത്തി​ൽ. വി​മാ​ന​ത്തി​ന്റെ കോ​ക്പി​റ്റി​ൽ ചൈ​ന​ക്കാ​രി​യാ​യ യു​വ യാ​ത്ര​ക്കാ​രി​യെ പ്ര​വേ​ശി​പ്പി​ച്ച​താ​ണ് പു​തി​യ വി​വാ​ദം. വി​മാ​നം പ​റ​ക്കു​ന്ന​തി​നി​ടെ പൈ​ല​റ്റ് ഉ​റ​ങ്ങാ​ൻ​ പോ​യെ​ന്ന വി​വാ​ദ​ത്തി​നു പി​ന്നാ​ലെയാണ് അടുത്തത്.

ടോ​ക്കിയോയിൽ ​നി​ന്നും ബെ​യ്ജിം​ഗി​ലേ​ക്കു​ള്ള വി​മാ​ന​ത്തി​ലാ​യി​രു​ന്നു സം​ഭ​വം. ക്യാ​പ്റ്റ​ൻ ഷ​ഹ​സാ​ദ് അ​സീ​സ് ആ​ണ് ചൈ​ന​ക്കാ​രി​യാ​യ യു​വ​തി​യെ കോ​ക്പി​റ്റി​ലേ​ക്ക് ക്ഷ​ണി​ച്ച​ത്. സ​ഹ​പൈ​ല​റ്റി​നു​ള്ള സ്ഥ​ല​ത്ത് ഇ​വ​രെ ഇ​രു​ത്തി​യാ​ണ് ഷ​ഹ​സാ​ദ് വി​മാ​നം പ​റ​ത്തി​യ​ത്. ര​ണ്ടു മ​ണി​ക്കൂ​റോ​ളം സ​മ​യ​മാ​ണ് ചൈ​ന​ക്കാ​രി കോ​ക്പി​റ്റി​ൽ ചെ​ല​വ​ഴി​ച്ച​ത്.

വി​മാ​ന​ത്താ​വ​ള​ത്തി​ൽ വി​മാ​നം എ​ത്തി​യ ശേ​ഷ​മാ​ണ് ഇ​വ​ർ കോ​ക്പി​റ്റി​ൽ​ നി​ന്നും പു​റ​ത്തി​റ​ങ്ങി​യ​ത്. ഈ ​സ​മ​യ​മ​ത്ര​യും ഒ​രു പൈ​ല​റ്റും ചൈ​ന​ക്കാ​രി​യും മാ​ത്ര​മാ​ണ് കോ​ക്പി​റ്റി​ൽ ഉ​ണ്ടാ​യി​രു​ന്ന​ത്.

സു​ര​ക്ഷാ ​കാ​ര​ണ​ങ്ങ​ളാ​ൽ വി​മാ​ന​ത്തിന്റെ കോ​ക്പി​റ്റി​ൽ യാ​ത്ര​ക്കാ​രെ അ​നു​വ​ദി​ക്കാ​റി​ല്ല. ഇ​ത് ലം​ഘി​ച്ചാ​ണ് ചൈ​ന​ക്കാ​രി​ക്ക് കോ​ക്പി​റ്റി​ൽ പൈ​ല​റ്റ് സു​ഖ​യാ​ത്ര ഒ​രു​ക്കി​യ​ത്. സം​ഭ​വ​ത്തോ​ട് പ്ര​തി​ക​രി​ക്കാ​ൻ ചൈ​നീ​സ് യു​വ​തി ത​യാ​റാ​യി​ല്ല.