കൊച്ചി: മുഖ്യമന്ത്രി പിണറായി വിജയന്റെ മെട്രോയിലെ ആദ്യയാത്ര ശനിയാഴ്ച നടത്തും. ആലുവ മുതൽ പാലാരിവട്ടം വരെയുള്ള കൊച്ചി മെട്രോപാതയിലൂടെ മുഖ്യമന്ത്രിയുടെ യാത്ര.
ശനിയാഴ്ച രാവിലെ 11നാണു മുഖ്യമന്ത്രിയുടെ യാത്ര.
മെട്രോ സർവീസ് ആരംഭിക്കുന്നതിനു മുന്നോടിയായിട്ടാണ് മെട്രോയുടെ ചുമതലയുള്ള മുഖ്യമന്ത്രി പദ്ധതി പ്രദേശം സന്ദർശിക്കുന്നത്. ആലുവ സ്റ്റേഷനിലെ സൗരോർജ പദ്ധതിയുടെ ഉദ്ഘാടനം അദ്ദേഹം നിർവഹിക്കും.
ട്രെയിനുകളെ നിയന്ത്രിക്കുന്ന മുട്ടത്തെ ഓപ്പറേഷൻ കണ്ട്രോൾ സെന്‍റർ മുഖ്യമന്ത്രി സന്ദർശിച്ചേക്കുമെന്നു കെഎംആര്‍എല്‍ അധികൃതർ അറിയിച്ചു.
ഈമാസം 17നു പ്രധാനമന്ത്രി നരേന്ദ്ര മോദിയാണ് മെട്രോയുടെ ഉദ്ഘാടനം നിർവഹിക്കുന്നത്. ആലുവയിലാണ് ഉദ്ഘാടന ചടങ്ങുകൾ.
