ഷവോമിയുടെ ഉപബ്രാൻഡായി 2018ൽ ഇന്ത്യയിലെത്തുകയും പിന്നീട് 2020ന്റെ തുടക്കത്തിൽ പ്രത്യേക ബ്രാൻഡായി മാറിയ പോക്കോ കഴിഞ്ഞ വർഷം സെപ്റ്റംബറിലാണ് X3 വില്പനക്കെത്തിച്ചത്. 16,999 രൂപ മുതൽ വിലയുള്ള ഒരു മിഡ്റേഞ്ച് സ്മാർട്ട്ഫോൺ ആണ്പോക്കോ X3.
ഈ മാസം 30നാണ് പോക്കോ X3 പ്രോ ഇന്ത്യ ലോഞ്ച്. അതിന് മുൻപായി ആഗോള വിപണിയിലേക്ക് X3 പ്രോയെ പോക്കോ ഇന്നവതരിപ്പിച്ചു. 6 ജിബി റാം + 128 ജിബി സ്റ്റോറേജ് മോഡലിന് 249 യൂറോ (ഏകദേശം 21,400 രൂപ), 8 ജിബി റാം + 256 ജിബി സ്റ്റോറേജ് ഓപ്ഷന് 299 യൂറോ (ഏകദേശം 25,700 രൂപ) എന്നിങ്ങനെയാണ് പോക്കോ X3 പ്രോയുടെ വിലകൾ. ഫാന്റം ബ്ലാക്ക്, ഫ്രോസ്റ്റ് ബ്ലൂ, മെറ്റൽ ബ്രോൺസ് എന്നിങ്ങനെ മൂന്ന് കളറുകളിൽ പോക്കോ X3 പ്രോ വാങ്ങാം.
