എറണാകുളം: കൂത്താട്ടുകുളത്ത് പോക്‌സോ കേസ് പ്രതിക്ക് കോവിഡ് 19 സ്ഥിരീകരിച്ചു. പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസില്‍ അറസ്റ്റ് ചെയ്ത പ്രതിക്കാണ് രോഗം സ്ഥിരീകരിച്ചത്.
ഇതോടെ പ്രതിയുമായി സമ്പര്‍ക്കം പുലര്‍ത്തിയ കൂത്താട്ടുകുളം പൊലീസ് സ്റ്റേഷനിലെ ആറ് പൊലീസുകാര്‍ നിരീക്ഷണത്തില്‍ പോയി. പ്രതിയെ കോടതിയില്‍ ഹാജരാക്കാന്‍ കൊണ്ടുപോയ പോലീസുകാരാണ് നിരീക്ഷണത്തിലായത്.
കഴിഞ്ഞ 26-ാം തീയതിയാണ് പൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസില്‍ പ്രതിയെ അറസ്റ്റ് ചെയ്തത്. പ്രതിയുടെയും പെണ്‍കുട്ടിയുടെയും സമ്പര്‍ക്ക പട്ടിക പൊലീസ് ശേഖരിച്ചുവരികയാണ്.
