തൃശൂര്‍: പൊലീസുകാരനെ അപായപ്പെടുത്തി രക്ഷപെടാന്‍ പ്രതിയുടെ ശ്രമം. കൊല്ലം സ്വദേശി രാമചന്ദ്രനാണ് ചാലക്കുടി കോടതിയില്‍ ഹാജരാക്കാന്‍ എത്തിച്ചപ്പോള്‍ പൊലീസുകാരനെ വിലങ്ങുകൊണ്ട് തലയ്ക്കടിച്ച് രക്ഷപ്പെടാന്‍ ശ്രമം നടത്തിയത്.
കളവ്, കഞ്ചാവ് കേസുകളില്‍ പ്രതിയാണ് രാമചന്ദ്രന്‍. രാമചന്ദ്രന്റെ ആക്രമണത്തില്‍ പരിക്കേറ്റ തിരുവനന്തപുരം സിറ്റി പൊലീസ് സ്റ്റേഷനിലെ ഉദ്യോഗസ്ഥന്‍ പ്രഭിനെ ആശുപത്രിയില്‍ പ്രവേശിപ്പിച്ചു. പ്രഭിന്റെ പരിക്ക് ഗുരുതരമല്ലെന്നാണു വിവരം.
