ആലുവ: ആലുവ സ്വര്‍ണക്കവര്‍ച്ച കേസില്‍ നാലു പേരുടെ അറസ്റ്റ് പൊലീസ് രേഖപ്പെടുത്തി. സ്വര്‍ണം കവര്‍ന്നതായി പ്രതികള്‍ സമ്മതിച്ചെന്നും സ്വര്‍ണം കണ്ടെത്താന്‍ ശ്രമം തുടരുന്നതായും പൊലീസ് പറഞ്ഞു.
ആലുവ സിജിആര്‍ മെറ്റലോയിസിലെ ഡ്രൈവര്‍ സതീഷ്, ഇടുക്കി സ്വദേശികളായ നസീബ്, സനീഷ് റഷീദ് എന്നിവരെയാണ് പൊലീസ് അറസ്റ്റ് ചെയ്തത്. അറസ്റ്റിലുള്ള തൊടുപുഴ സ്വദേശി ബിപിന്‍ ജോര്‍ജ്ജിന്റെ മൊഴിയുടെ അടിസ്ഥാനത്തില്‍ നടത്തിയ പരിശോധനയിലാണ് നാല് പേരെ പൊലീസ് പിടികൂടിയത്.
മൂന്നാറിനടുത്ത് സിങ്ക് കണ്ടത്തെ കാടിനകത്ത് എയര്‍ ഗണ്‍ അടക്കമുള്ള ആയുധങ്ങളുമായി ഒളിവില്‍ കഴിയുകയായിരുന്നു പ്രതികള്‍. പൊലീസിന് നേര്‍ക്ക് തോക്ക് ചൂണ്ടി രക്ഷപ്പെടാന്‍ ശ്രമിച്ച പ്രതികളെ ഏറ്റുമുട്ടലിലൂടെയാണ് കീഴ്‌പ്പെടുത്തിയത്.
