കൊല്‍ക്കത്ത: നൂറു വയസുള്ള വയോധികയെ ബലാത്സംഗം ചെയ്ത കേസില്‍ യുവാവിനെ പൊലീസ് അറസ്റ്റ് ചെയ്തു.
ബംഗാളിലെ നാഡിയ ജില്ലയിലെ ഗംഗപ്രസാദ്പൂര്‍ സ്വദേശിയായ ഇരുപത്തൊന്നുകാരന്‍ അഭിജിത് ബിശ്വാസിനെയാണ് പൊലീസ് അറസ്റ്റ് ചെയ്തത്. അയല്‍വാസിയായ വയോധികയെ ഇയാള്‍ ബലാത്സംഗത്തിനിരയാക്കുകയായിരുന്നു. കിടപ്പുമുറിയില്‍ ഒറ്റയ്ക്ക് ഉറങ്ങുകയായിരുന്ന വയോധികയെ വീട്ടില്‍ അതിക്രമിച്ചു കയറിയായിരുന്നു യുവാവ് പീഡനത്തിനിരയാക്കിയത്.
ഇതിനിടെ വയോധിക നിലവിളിച്ചിരുന്നു. തുടര്‍ന്ന് വീട്ടിലുള്ളവര്‍ ഓടിയെത്തുകയും പ്രതിയെ പിടികൂടി പൊലീസില്‍ ഏല്‍പിക്കുകയുമായിരുന്നു. സംഭവത്തില്‍ വയോധികയുടെ മകന്റെ പരാതിയില്‍ പൊലീസ് കേസെടുത്തിട്ടുണ്ട്. പ്രതിയെ 14 ദിവസത്തെ ജുഡീഷ്യല്‍ കസ്റ്റഡിയില്‍ വിട്ടിരിക്കുകയാണ്.
