കൊച്ചി : എംഎല്‍എയെ പൊതുവേദിയില്‍ അധിക്ഷേപിച്ചെന്ന പരാതിയില്‍ കിറ്റക്‌സ് എം.ഡി.യും ട്വന്റി-20 ചീഫ് കോർഡിനേറ്ററുമായ സാബു എം. ജേക്കബിനെതിരെ പോലീസ് കേസെടുത്തു. കുന്നത്തുനാട് എം.എല്‍.എ. പി.വി. ശ്രീനിജിനെതിരെ അധിക്ഷേപ പ്രസംഗം നടത്തിയെന്ന പരാതിയിലാണ് കേസെടുത്തിരിക്കുന്നത്. സി.പി.എം പ്രവര്‍ത്തകയായ ശ്രുതി ശ്രീനിവാസനാണ് പരാതിക്കാരി.
ലോക്സഭാ തിരഞ്ഞെടുപ്പിന് മുന്നോടിയായി ട്വന്റി ട്വിന്റി കഴിഞ്ഞ ദിവസം കോലഞ്ചേരിയിൽ ഒരു മഹാസമ്മേളനം നടത്തിയിരുന്നു. ഇതിനിടെ ശ്രീനിജിൻ എം.എൽ.എയ്ക്കെതിരെ ഇദ്ദേഹം അധിക്ഷേപ പരാമർശം നടത്തിയെന്നാണ് പരാതിയിൽ പറയുന്നത്.
പുത്തൻകുരിശ് ഡി.വെെ.എസ്.പിയ്ക്കാണ് ശ്രുതി പരാതി കെെമാറിയിരിക്കുന്നത്. പട്ടികജാതി പീഡന നിയമപ്രകാരം സാബുവിനെതിരെ നിലവിൽ കേസെടുത്തിരിക്കുന്നത്.
