തിരുവനന്തപുരം: മാധ്യമപ്രവര്‍ത്തകന്‍ കെ.എം ബഷീര്‍ മരിക്കാനിടയായ വാഹനാപകടവുമായി ബന്ധപ്പെട്ട് ഐഎഎസ് ഉദ്യോഗസ്ഥന്‍ ശ്രീറാം വെങ്കിട്ടരാമനെതിരെ സുഹൃത്ത് വഫ ഫിറോസ് മൊഴി നല്‍കി.
ശ്രീറാം മദ്യപിച്ചാണ് വാഹനമോടിച്ചതെന്നാണ് വഫ മജിസ്‌ട്രേറ്റിന് നല്‍കിയ മൊഴിയില്‍ പറയുന്നത്. അമിത വേഗതയിലാണ് അദ്ദേഹം കാര്‍ ഓടിച്ചതെന്നും അവര്‍ പറഞ്ഞു. വേഗത കുറയ്ക്കാന്‍ താന്‍ ആവശ്യപ്പെട്ടെന്നും മാധ്യമപ്രവര്‍ത്തകന്‍ സഞ്ചരിച്ച ബൈക്കില്‍ ഇടിക്കാതിരിക്കാന്‍ ശ്രീറാം ശ്രമം നടത്തിയിരുന്നുവെങ്കിലും അതിന് സാധിച്ചില്ലെന്നും വഫ നല്‍കിയ മൊഴിയില്‍ പറയുന്നു.
സംഭവം നടന്ന ദിവസം തന്നെ വഫയുടെ മൊഴി പൊലീസ് മജിസ്‌ട്രേറ്റിന് മുന്നില്‍ രേഖപ്പെടുത്തിയിരുന്നു.
