ജയ്പുര്‍: രാജസ്ഥാനില്‍ നിന്നും കാണാതായ യുവാവിനെ അഞ്ചു വര്‍ഷങ്ങള്‍ക്കു ശേഷം പാക്കിസ്ഥാനിലെ ജയിലില്‍ നിന്നും കണ്ടെത്തി. ബുന്ധി ജില്ലയിലെ രാംപുരി സ്വദേശിയായ ജുഗ്രാജ് ഭീലിനെയാണ് വര്‍ഷങ്ങള്‍ കഴിഞ്ഞ് പാക്കിസ്ഥാനിലെ ജയിലില്‍ നിന്നും കണ്ടെത്തിയിരിക്കുന്നത്.
ഭീലിന്റെ പൗരത്വം സംബന്ധിച്ച അന്വേഷണമാണ് ബന്ധുക്കളിലേക്ക് എത്തിയത്. പാക്കിസ്ഥാന്റെ അതിര്‍ത്തി ഗ്രാമത്തില്‍ താമസിച്ചിരുന്ന ഭീല്‍ മാനസിക രോഗിയാണെന്നാണ് പൊലീസ് പറയുന്നത്. ഇയാള്‍ അറിയാതെ പാക്കിസ്ഥാനില്‍ കടന്നതാവാമെന്നും പൊലീസ് വ്യക്തമാക്കി.
