പാലക്കാട്: പാലക്കാട് ആദിവാസി യുവാക്കളെ എസ്‌ഐ നിര്‍ബന്ധിച്ച് മൊട്ടയടിപ്പിച്ചതായി പരാതി.
പാലക്കാട്ട് മീനാക്ഷിപുരം എസ്‌ഐ ആര്‍. വിനോദിനെതിരെയാണ് പരാതി. എന്നാല്‍ തങ്ങള്‍ മുടി വളര്‍ത്തിയത് ക്ഷേത്രത്തിലെ നേര്‍ച്ചക്കായാണെന്നും തങ്ങളെ എസ് ഐ നര്‍ബന്ധിച്ച് മൊട്ടയടിപ്പിക്കുകയായിരുന്നുവെന്നും യുവാക്കള്‍ പറയുന്നു.
മീനാക്ഷിപുരം സ്വദേശികളായ സഞ്ജയ്, നിധീഷ് എന്നിവരാണ് എസ് ഐയക്കെതിരെ പരാതിയുമായി രംഗത്തെത്തിയിരിക്കുന്നത്. ഇത് സംബന്ധിച്ച് ഇവര്‍ പൊലീസ് മേധാവിക്ക് പരാതി നല്‍കി. ഇവരുടെ പരാതിയെ തുടര്‍ന്ന് എസ്‌ഐ വിനോദിനെ എആര്‍ ക്യാപിലേക്ക് സ്ഥലം മാറ്റി.
