പത്തനംതിട്ട: ശബരിമല ഇലവുങ്കലില്‍ പൊലീസ് പരിശോധനാ കേന്ദ്രത്തിനു സമീപത്തായി കാട്ടാന ഇറങ്ങി.
മോട്ടോര്‍ വാഹനവകുപ്പിന്റെ സേഫ് സോണ്‍ ഓഫീസ് പ്രവര്‍ത്തിക്കുന്ന ഷെഡിന് എതിര്‍വശത്തു നിന്ന് ഒറ്റയാന്‍ ഓടിയെത്തുകയായിരുന്നു. അപ്രതീക്ഷിതമായി എത്തിയ കാട്ടാനയെ കണ്ട് പൊലീസുകാര്‍ ഓടി രക്ഷപ്പെട്ടു.
സേഫ് സോണ്‍ ഓഫീസില്‍ ഇരുന്നവരും ഓടി രക്ഷപ്പെടുകയായിരുന്നു. റോഡിലേക്കു ഇറങ്ങിയ ആന നിലയ്ക്കല്‍ ഭാഗത്തേക്കാണു നീങ്ങിയത്. ആന പോയ ശേഷമാണു തിരികെ എത്തിയത്. പൊലീസുകാര്‍ എല്ലാവരും സുരക്ഷിതരാണെന്ന് അധികൃതര്‍ അറിയിച്ചു.
