വടക്കുപടിഞ്ഞാറന്‍ ഡല്‍ഹിയിലെ ഖേര ഖുര്‍ദ് ഗ്രാമത്തില്‍ വെടിയേറ്റ് രണ്ട് സ്ത്രീകള്‍ക്ക് പരുക്കേറ്റതായി പൊലീസ് അറിയിച്ചു. ദീപാവലി പൂജയ്ക്ക് പോയ സ്ത്രീകള്‍ക്ക് നേരെ അജ്ഞാതര്‍ വെടിയുതിര്‍ക്കുകയും ഗുരുതരമായി പരുക്കേല്‍ക്കുകയും ചെയ്തു. സ്വത്ത് തര്‍ക്കമാകാം സംഭവത്തിന് പിന്നിലെന്ന് പൊലീസ് സംശയിക്കുന്നുണ്ടെങ്കിലും വിഷയം അന്വേഷണത്തിലാണ്.
സംഭവ സ്ഥലത്തിന് സമീപമുള്ള ആശുപത്രിയില്‍ ചികിത്സയിലാണ് ഇരുവരും. നില ഗുരുതരമാണ്. ഇതുവരെ ആരെയും അറസ്റ്റ് ചെയ്തിട്ടില്ല.സ്ത്രീകളുടെ കുടുംബവുമായി ബന്ധപ്പെട്ട് ചില സ്വത്ത് തര്‍ക്കങ്ങള്‍ നിലവിലുണ്ടെന്നും അതാണോ ആക്രമണത്തിന് പിന്നിലെന്ന് സംശയിക്കുന്നതായും പൊലീസ് പറഞ്ഞു. അന്വേഷണം പുരോഗമിക്കുകയാണ്.
