ആലുവ: നടിയെ ആക്രമിച്ച സംഭവത്തില്‍ നടി ശ്രിതയുടെ മൊഴി പൊലീസ് രേഖപ്പെടുത്തി.
പ്രത്യേക അന്വേഷണസംഘം ഉളിയന്നൂരിലെ വീട്ടിലെത്തിയാണു മൊഴിയെടുത്തത്. ഉപദ്രവിക്കപ്പെട്ട നടി സംഭവത്തിനുശേഷം ഇവരുടെ വീട്ടില്‍ വന്നതായി വിവരം കിട്ടിയതിനെത്തുടര്‍ന്നാണിത്.
നടിയുമായി അടുത്ത സൗഹൃദമുണ്ടെങ്കിലും നടന്‍ ദിലീപുമായി പരിചയമില്ലെന്നു ശ്രിത പൊലീസിനോടു പറഞ്ഞു.
അതേസമയം നടന്‍ സിദ്ദീഖിനെ വീണ്ടും ചോദ്യം ചെയ്തതായി അഭ്യൂഹമുണ്ടെങ്കിലും പൊലീസ് നിഷേധിച്ചു.
