രാജ്‌നന്ദഗോണ്‍: ഛത്തീസ്ഘട്ടില്‍ നക്‌സലുകള്‍ പോലീസുകാരനെ വെടിവച്ചു കൊലപ്പെടുത്തി. രാജ്‌നന്ദഗോണ്‍ ജില്ലയിലെ ബാഹ്നാഡിയിലാണ് ആക്രമണമുണ്ടായത്. അസിസ്റ്റന്റ് സബ് ഇന്‍സ്‌പെക്ടര്‍ നര്‍ബാദ് ബോഗ (50) ആണ് കൊല്ലപ്പെട്ടത്.
റായ്പൂര്‍–നാഗ്പൂര്‍ ഹൈവേയില്‍ വാഹനാപകടമുണ്ടായെന്ന വിവരത്തെ തുടര്‍ന്ന് രക്ഷാപ്രവര്‍ത്തനത്തിനു പോകുകയായിരുന്ന പോലീസുകാര്‍ക്കു നേരെയാണ് വെടിവയ്പുണ്ടായത്.
സംഭവത്തെ തുടര്‍ന്ന് നക്‌സലുകള്‍ക്കായി മേഖലയില്‍ തെരച്ചില്‍ വ്യാപിപ്പിച്ചതായി പോലീസ് അറിയിച്ചു.
