കമലാഹാസനോടൊപ്പമുള്ള ചിത്രങ്ങള്‍ക്ക് ശേഷം പൂജാകുമാര്‍ തന്റെ പുതിയ ചിത്രമായ മീന്‍കുഴമ്പും മന്‍പാനയുടെയും തിരക്കിലാണ്. ഒരു റൊമാന്റിക്ക് കോമഡി ചിത്രമായ മീന്‍കുഴമ്പും മന്‍പാനയിലും അധോലോക നായികയായിട്ടാണ് താരം അഭിനയിക്കുന്നത്.
ഒരു സിനിമ തിരഞ്ഞെടുക്കുമ്പോള്‍ അതിന്റെ കഥയും തന്റെ കഥാപാത്രവും സംവിധായകനും ആരാണെന്നും നോക്കുമെന്ന് താരം പറഞ്ഞു. വിശ്വരൂപത്തില്‍ ഒരു ശാസ്ത്രജ്ഞയായും ഉത്തമവില്ലനില്‍ ഒരു നടിയായുമാണ് അഭിനയിച്ചത്.
കമല്‍സാറിന്റെ സിനിമകളില്‍ വ്യത്യസ്തവും വെല്ലുവിളികളും ഉള്ള കഥാപാത്രങ്ങളാണുള്ളത്. ഇപ്പോള്‍ ചെയ്യുന്ന കഥാപാത്ര അങ്ങനെതന്നെയാണ്. അതുകൊണ്ടാണ് ഈ വേഷം സ്വീകരിച്ചതെന്ന് പൂജ പറയുന്നു.
അമുതേശ്വര്‍ സംവിധാനം ചെയ്യുന്ന ഈ ചിത്രത്തില്‍ പ്രഭുവിനും അദ്ദേഹത്തിന്റെ മകനായി അഭിനയിക്കുന്ന കാളിദാസിനും എതിരെയുള്ള കഥാപാത്രത്തെയാണ് പൂജ അവതരിപ്പിക്കുന്നത്.
കഴിഞ്ഞ ചിത്രങ്ങളിലെ പോലെ തന്നെ ഇതിലും പൂജ സംഘട്ടന രംഗങ്ങള്‍ ചെയ്യുന്നുണ്ട്. ഹിന്ദി മാതൃഭാഷയായ പൂജ ഇപ്പോള്‍ തമിഴ് പഠിക്കുകയാണ്. തന്റെ കഥാപാത്രത്തിന് ഡബ് ചെയ്യുമെന്നും താരം പറഞ്ഞു.
