തൃശൂര്‍: പെരിങ്ങോട്ട്കരയില്‍ പോസ്റ്റ് ഓഫിസിന് തീയിട്ട പ്രതി പിടിയില്‍. വാടാനപ്പള്ളി സ്വദേശിയായ സുഹൈല്‍ ആണ് പിടിയിലായത്.മോഷണം ശ്രമത്തിന് ശേഷമായിരുന്നു പോസ്റ്റ് ഓഫിസ് തീയിട്ടത്. പണം കിട്ടാത്തതിലുള്ള രോഷമാണ് തീയിടാന്‍ കാരണമെന്ന് പ്രതി പറയുന്നു.
ഫെബ്രുവരി മൂന്നിനാണ് സംഭവം. പെരിങ്ങോട്ട്കര പോസ്റ്റ് ഓഫിസില്‍ രാവിലെ ജീവനക്കാരെത്തിയപ്പോഴാണ് ഓഫിസ് തീയിട്ട നിലയില്‍ കണ്ടെത്തിയത്.
സാധനങ്ങളെല്ലാം വലിച്ചുവാരിയിട്ട നിലയിലായിരുന്നു. അതുകൊണ്ട് തന്നെ തുടക്കം മുതലേ മോഷണം സംശയിച്ചിരുന്നു. പോസ്റ്റ് ഓഫിസിലെ രേഖകളെല്ലാം കത്തി നശിച്ചു. സംഭവത്തില്‍ പൊലീസ് കേസെടുത്ത് അന്വേഷണം ആരംഭിച്ചിരുന്നു.
