അറ്റ്ലാന്റ : ലോകത്തിലെ ഏറ്റവും തിരക്കുള്ള വിമാനത്താവളമാണ് ഹാർട്ട്സ്ഫീൽഡ്-ജാക്സൺ അറ്റ്ലാന്റ ഇന്റർനാഷണൽ എയർപോർട്ട്.
അറ്റ്ലാൻറ ഇന്റർനാഷണൽ എയർപോർട്ടിൽ വിമാനങ്ങൾ റദ്ദാക്കിയതിനെ തുടർന്ന് വിമാനത്താവളത്തിൽ കുടുങ്ങിയത് ആയിരക്കണക്കിന് യാത്രക്കാരാണ്.
വൈദ്യുതി തകരാർ ഉണ്ടായതിനാലാണ് വിമാനങ്ങൾ റദ്ദാക്കിയത്. ഞായറാഴ്ച രാത്രി മുതലാണ് യാത്രക്കാരെ വലച്ച് വിമാനങ്ങൾ റദ്ദാക്കിയത്.
ഇത്തരത്തിൽ ഏകദേശം 1000 വിമാനങ്ങൾ റദ്ദാക്കിയിട്ടുണ്ട്. വിമാനത്താവളത്തിൽ നിന്ന് പുറപ്പെടാനിരുന്ന എല്ലാ ഫ്ളൈറ്റുകളും നിർത്തലാക്കി. എത്തിച്ചേർന്ന ഫ്ലൈറ്റുകൾ എത്തിയ പോയിന്റുകളിൽ തന്നെ നിലനിർത്തി.
എയർപോർട്ടിൽ കഴിയുന്ന യാത്രക്കാർ അവരുടെ സെൽ ഫോണിലെ ടോർച്ചിൽ നിന്നുള്ള വെളിച്ചമാണ് ഉപയോഗിക്കുന്നത്.
