ഇന്ത്യയിലെ സിനിമ പ്രേമികളെ ആവേശത്തിലാക്കി എസ്.എസ്. രാജമൗലി എന്ന സംവിധായകന്റെ മികവിൽ ഒരുങ്ങിയ ബ്രഹ്മാണ്ഡ ചിത്രങ്ങളാണ് ബാഹുബലി:ദ ബിഗിനിംഗ്, ബാഹുബലി: ദ കൺക്ലൂഷൻ.
തെലുങ്ക്, തമിഴ്, മലയാളം, ഹിന്ദി എന്നീ ഭാഷകളിലായി 2017 ഏപ്രിലിൽ പ്രദർശനത്തിനെത്തിയ ബാഹുബലി 2 ജപ്പാനിൽ റിലീസിനൊരുങ്ങുകയാണ് ഇപ്പോൾ.
ഡിസംബർ 29ന് ജാപ്പനീസ് തിയേറ്ററുകളിൽ ബാഹുബലി 2 പ്രദർശിപ്പിക്കും.
ജാപ്പനീസ് ഭാഷയിൽ ബാഹുബലി 2 മൊഴി മാറ്റിയിട്ടുണ്ട്. ഇന്ത്യയിലെ ‘യു’ സർട്ടിഫിക്കറ്റിന് തുല്യമായ ‘ജി’ സർട്ടിഫിക്കറ്റാണ് ജാപ്പനീസ് സെൻസർ ബോർഡ് ചിത്രത്തിന് നൽകിയിരിക്കുന്നത്.
ബാഹുബലി 2, റിലീസ് ചെയ്ത് ഏഴ് ദിവസത്തിനുള്ളിൽ എക്കാലത്തെയും മികച്ച കളക്ഷൻ നേടിയ ഇന്ത്യൻ ചലച്ചിത്രം, ആയിരം കോടി ക്ലബ്ബിൽ പ്രഥമാംഗത്വം കരസ്ഥമാക്കിയ ചലച്ചിത്രം എന്നീ ബഹുമതികൾ സ്വന്തമാക്കിയിരുന്നു.
പ്രഭാസ്, അനുഷ്ക ഷെട്ടി, റാണ ദഗ്ഗുബതി, സത്യരാജ് എന്നിവരാണ് ചിത്രത്തിൽ പ്രധാന കഥാപാത്രങ്ങളെ അവതരിപ്പിച്ചത്.
