ആരാധകരെ ആവേശത്തിലാക്കി പ്രഭാസ് നായകനാകുന്ന പുതിയ ചിത്രം സലാറിന്റെ ഫസ്റ്റ് ലുക്ക് പോസ്റ്റർ പുറത്തിറങ്ങി. ചിത്രം സംവിധാനം ചെയ്യുന്നത് കെജിഎഫ് എന്ന ഒറ്റ ചിത്രം കൊണ്ട് തന്നെ ഇന്ത്യയിൽ ആകെ ഫാൻ ബേസ് ഉണ്ടാക്കി എടുത്ത പ്രശാന്ത് നീൽ ആണ്.
ഇന്ത്യൻ സിനിമയുടെ ബിസിനെസ്സ് സാധ്യതകളെ മറ്റൊരു തലത്തിൽ എത്തിച്ച ബാഹുബലി താരം പ്രഭാസും, കെജിഎഫ് സംവിധായകൻ പ്രശാന്തും ഒന്നിക്കുമ്പോൾ വീണ്ടും സംഭവിക്കാൻ പോകുന്നത് ഇന്ത്യൻ സിനിമയിലെ മറ്റൊരു വിസ്മയം തന്നെ ആയിരിക്കും എന്ന് സംശയം ഇല്ല. സിനിമയെ കുറിച്ചുള്ള കൂടുതൽ വിവരങ്ങൾ പുറത്ത് വന്നിട്ടില്ല. ഏതായാലും ചിത്രത്തിന്റെ ഫസ്റ്റ് ലുക്ക് പോസ്റ്റർ സോഷ്യൽ മീഡിയയിൽ വൈറൽ ആകുകയാണ്.
