കൊച്ചി: നടിയെ ആക്രമിച്ച കേസില്‍ മുഖ്യ തെളിവായ നടിയുടെ ദൃശ്യങ്ങള്‍ പകര്‍ത്തിയ മൊബൈല്‍ ഫോണ്‍ നശിപ്പിച്ചെന്ന് പള്‍സര്‍ സുനിയുടെ അഭിഭാഷകന്‍ അഡ്വ. പ്രതീഷ് ചാക്കോയുടെ മൊഴി.
പള്‍സര്‍ സുനി നല്‍കിയ മൊബൈല്‍ ജൂനിയറിന് കൈമാറിയെന്നും അത് പിന്നീട് നശിപ്പിച്ചെന്നുമാണ് മൊഴി.മൊഴി ശരിയാണോയെന്ന് പൊലീസ് പരിശോധിക്കും.
നടിയെ ആക്രമിച്ചു ദൃശ്യങ്ങള്‍ പകര്‍ത്തിയ മൊബൈല്‍ ഫോണ്‍ പ്രതീഷ് ചാക്കോയെ ഏല്‍പ്പിച്ചുവെന്നു സുനി മൊഴി നല്‍കിയതിന്‍റെ അടിസ്ഥാനത്തില്‍ പ്രതീഷ് ചാക്കോയെ വ്യാഴാഴ്ച പോലീസ് അറസ്റ്റു ചെയ്തിരുന്നു. ആലുവ പോലീസ് ക്ലബിലെ ചോദ്യം ചെയ്യലിനു ശേഷമായിരുന്നു അറസ്റ്റ്. പിന്നീട് ഇയാളെ ജാമ്യത്തില്‍ വിട്ടയച്ചു.
