എസ് മഹേഷ് സംവിധാനം ചെയ്യുന്ന കാളിയന്‍ ചിത്രത്തിന്റെ ഫസ്റ്റ് ലുക്ക് മോഷന്‍ പോസ്റ്റര്‍ പുറത്തിറങ്ങി.
2015 നവംബര്‍ 24ന് ഞാന്‍ എന്റെ ഒരു സ്വപ്നം നിങ്ങളുമായി പങ്കു വെച്ചിരുന്നു. അതിപ്പോള്‍ യാഥാര്‍ത്ഥ്യമാകാന്‍ പോകുന്നുവെന്ന് പറഞ്ഞാണ് പൃഥ്വിരാജ് വീഡിയോ പുറത്തുവിട്ടത്.
വേണാടിന്റെ പടത്തലവനായിരുന്ന ഇരവിക്കുട്ടിപ്പിള്ളയുടെ സുഹൃത്തും സേനാനിയുമായിരുന്ന കുഞ്ഞിരക്കോട്ട് കാളിയുടെ ചരിത്രം അടിസ്ഥാനമാക്കിയുള്ള ചിത്രമാണിത്. മാജിക് മൂണ്‍ പ്രൊഡക്ഷന്‍സിന്റെ ബാനറില്‍ രാജീവ് നായരാണ് ചിത്രം നിര്‍മ്മിക്കുന്നത്. ബിടി അനില്‍കുമാര്‍ രചന നിര്‍വഹിക്കുന്ന ചിത്രത്തിന്റെ ക്യാമറ ചലിപ്പിക്കുന്നത് സുജിത് വാസുദേവാണ്.
