അബുദാബി: യുഎഇയിലെ പള്ളികളില്‍ നാളെ മഴയ്‍ക്ക് വേണ്ടിയുള്ള പ്രത്യേക നമസ്‍കാരം നടക്കും. വെള്ളിയാഴ്‍ചയിലെ ജുമുഅ നമസ്‍കാരത്തിന് പത്തു മിനിറ്റ് മുമ്പായിരിക്കും മഴയ്‍ക്ക് വേണ്ടിയുള്ള നമസ്‍കാരം നടക്കുക. വിവിധ എമിറേറ്റുകളിലെ നമസ്‍കാര സമയം കഴിഞ്ഞ ദിവസം അറിയിച്ചിരുന്നു.
അബുദാബി – 12.12, ദുബൈ – 12.09, ഷാര്‍ജ – 12.08, അജ്‍മാന്‍ – 12.08, ഉമ്മുല്‍ഖുവൈന്‍ – 12.07, റാസല്‍ഖൈമ – 12.06, ഫുജൈറ – 12.04, ഖോര്‍ഫകാന്‍ – 12.04, അല്‍ഐന്‍ – 12.07, അല്‍ ദഫ്‍റ – 12.15 എന്നിങ്ങനെയാണ് നമസ്‍കാര സമയം. രാജ്യത്ത് മഴ ലഭിക്കുന്നതിനായി പ്രാര്‍ത്ഥിക്കാന്‍ ജനങ്ങളോട് യുഎഇ പ്രസിഡന്റ് ശൈഖ് ഖലീഫ ബിന്‍ സായിദ് അല്‍ നഹ്‍യാന്‍ ആഹ്വാനം ചെയ്‍തിരുന്നു.
