ന്യൂഡല്‍ഹി: പ്രധാനമന്ത്രി നരേന്ദ്ര മോദി ഇന്ത്യ കണ്ട മികച്ച ജനാധിപത്യവാദിയാണ് രാഷ്ട്രപതി പ്രണബ് മുഖര്‍ജി.
കാര്യങ്ങള്‍ പെട്ടെന്ന് ഗ്രഹിക്കാനും മികച്ച തീരുമാനങ്ങളെടുക്കാനും അത് നടപ്പാക്കാനും മോദിക്ക് കഴിവുണ്ട്. ദേശീയ നേതാവില്‍ നിന്നു മോദി രാജ്യാന്തരതലത്തിലേക്ക് ഉയര്‍ന്നുവെന്നും രാഷ്ട്രപതി പ്രണബ് മുഖര്‍ജി പറഞ്ഞു.
തിരഞ്ഞെടുപ്പില്‍ ഭൂരിപക്ഷം നേടി ജയിക്കാന്‍ സാധിക്കും, പക്ഷേ തുടര്‍ന്നുള്ള ഭരണമാണ് ബുദ്ധിമുട്ട്. എന്നാൽ ഇക്കാര്യത്തില്‍ മികച്ച നേട്ടം കൈവരിക്കാൻ അദ്ദേഹത്തിന് കഴിഞ്ഞു. തന്റെ രാഷ്ട്രീയ ജീവിതത്തില്‍ ശക്തരും തന്നെ സ്വാധീനിച്ചതുമായ അഞ്ചു പ്രധാനമന്ത്രിമാരില്‍ ഒരാള്‍ മോദിയാണെന്നും രാഷ്ട്രപതി വ്യക്തമാക്കി.
രാഷ്ട്രീയ നേതാക്കള്‍ അവരുടെ ഓഫിസ് ജനങ്ങള്‍ക്കുവേണ്ടി ഉപയോഗിക്കണം. അല്ലാതെ അധികാരത്തിനുവേണ്ടിയല്ല. ‘നിങ്ങള്‍ക്ക് 100 സീറ്റില്‍ 51 ഉം നേടി തിരഞ്ഞെടുപ്പില്‍ ജയിക്കാന്‍ സാധിക്കും പക്ഷേ, നിങ്ങള്‍ മറ്റു 49 പേരുടെ ഹൃദയങ്ങളിലും ജയിക്കണമെന്നും പ്രണബ് പറഞ്ഞു.
ഇന്ത്യാ ടുഡെ സംഘടിപ്പിച്ച ചടങ്ങില്‍ സംസാരിക്കുകയായിരുന്നു അദ്ദേഹം.
