തിരുവനന്തപുരം: പ്രസ് ക്ലബ് സെക്രട്ടറി അറസ്റ്റില്‍. തിരുവനന്തപുരം പ്രസ് ക്ലബ് സെക്രട്ടറി എം.രാധാകൃഷ്ണനാണ് അറസ്റ്റിലായത്. വനിതാ മാധ്യമപ്രവര്‍ത്തകയുടെ വീട്ടില്‍ കയറി ആക്രമിച്ച കേസിലാണ് അറസ്റ്റ്.
പ്രസ്‌ക്ലബ്ബ് സെക്രട്ടറി രാധാകൃഷ്ണന്‍ രാജിവയ്ക്കണമെന്ന് ആവശ്യപ്പെട്ട് ഇന്ന് പ്രസ് ക്ലബിന് മുന്നില്‍ വനിതാ മാധ്യമപ്രവര്‍ത്തകര്‍ പ്രതിഷേധിച്ചിരുന്നു. തുടര്‍ന്നാണ് പൊലീസ് അറസ്റ്റ് രേഖപ്പെടുത്തിയത്.
കഴിഞ്ഞ ദിവസമാണ് തിരുവനന്തപുരം പ്രസ് ക്ലബ് സെക്രട്ടറി വനിത മാധ്യമ പ്രവര്‍ത്തകയുടെ വീട്ടില്‍ അതിക്രമിച്ച്‌
കയറയുകയും ആക്രമിക്കുകയും ചെയ്തത്. ഇതില്‍ സഹപ്രവര്‍ത്തക നല്‍കിയ പരാതിയില്‍ രാധാകൃഷ്ണനെതിരെ ജാമ്യമില്ലാവകുപ്പ് ചുമത്തി കേസെടുത്തിരുന്നു.
