‘സെയ്റ നരസിംഹറെഡ്ഡി’യുടെ ടീസര്‍ കാണുമ്പോള്‍ താന്‍ നെഞ്ചത്തടിച്ച് പോകുകയാണെന്ന് നടന്‍ പൃഥ്വിരാജ്. ചിരഞ്ജീവിയുടെ ബ്രഹ്മാണ്ഡ ചിത്രമായ ‘സെയ്റ നരസിംഹറെഡ്ഡി’യുടെ പ്രൊമോഷന്‍ പരിപാടിയില്‍ മുഖ്യാതിഥിയായി എത്തിയപ്പോഴായിരുന്നു പൃഥ്വി ഇക്കാര്യം വെളിപ്പെടുത്തിയത്.
സെയ്റയിലേക്ക് അഭിനയിക്കാന്‍ ചിരഞ്ജീവി തന്നെ ക്ഷണിച്ചതാണെന്നും എന്നാല്‍ മറ്റു സിനിമകള്‍ കാരണം അതിന് കഴിയാതെ പോയതാണെന്ന് പൃഥ്വി ചടങ്ങില്‍ വ്യക്തമാക്കി. ‘ഈ സിനിമയുടെ ടീസര്‍ കാണുമ്പോള്‍ ഭയങ്കര വിഷമം തോന്നുന്നുണ്ട്. കാരണം, ചിരഞ്ജീവി സര്‍ ഈ സിനിമയില്‍ ഒരു വേഷം അഭിനയിക്കാന്‍ എന്നെ വിളിച്ചിരുന്നതാണ്. അണ്‍ഫോര്‍ച്യുനേറ്റിലി എന്റെ സമയപ്രശ്നം കൊണ്ടും ഞാന്‍ വേറൊരു സ്ഥലത്ത് ഷൂട്ടിംഗിലായിരുന്നതുകൊണ്ടും എനിക്ക് ഈ സിനിമയില്‍ പങ്കെടുക്കാന്‍ സാധിച്ചില്ല.
https://www.facebook.com/keralakaumudiflash/videos/382889682662680/
പക്ഷേ ഇന്ന് ഇത് കാണുമ്പോള്‍ ഞാന്‍ എന്റെ തന്നെ നെഞ്ചത്തടിച്ചു പോകുവാണ്. കാരണം, ഒരു ഷോട്ടെങ്കില്‍ ഒരു ഷോട്ട് ഇതുപോലൊരു പ്രൊഡക്ടില്‍ അഭിനയിക്കാന്‍ പറ്റിയിരുന്നെങ്കില്‍ എന്ന് ആഗ്രഹിച്ചു പോകുവാണെന്നും പൃഥ്വി പറഞ്ഞു’. അതേസമയം താന്‍ ആദ്യമായി സംവിധാനം ചെയ്ത ലൂസിഫറിന്റെ റൈറ്റ്സ് ചിരഞ്ജീവിയാണ് വാങ്ങിയതെന്ന കാര്യവും ചടങ്ങില്‍ പൃഥ്വി വെളിപ്പെടുത്തി.
