നടി പ്രിയാമണിയെ ബിഗ് സ്‌ക്രീനില്‍ കണ്ടിട്ട് കുറച്ചു നാളായി. ആസിഫ് അലി നായകനാകുന്ന സൈലന്റ് റേഡിയോ എന്ന ചിത്രവുമായി താരം ഉടന്‍ തന്നെ തിരിച്ചുവരുമെന്നാണ് വിവരം. എന്നാല്‍ ഇപ്പോള്‍ റിയാലിറ്റി ഷോകളില്‍ ജഡ്ജിയായി മലയാളികളുടെ പ്രിയങ്കരിയായിരിക്കുകയാണ് പ്രിയ.
മലയാളത്തില്‍ അത്ര സജീവമല്ലാത്ത പ്രിയയുടെ അടുത്തിറങ്ങിയ പല ചിത്രങ്ങളും ബോക്‌സ് ഓഫീസില്‍ വന്‍ പരാജയങ്ങളായിരുന്നു. അതിനാല്‍ ഒരു തിരിച്ചുവരവിനായി നടന്‍ പ്രകാശ് രാജ് തന്റെ കന്നഡ ചിത്രത്തില്‍ പ്രിയയ്ക്ക് ഓഫര്‍ നല്‍കി എന്ന് വാര്‍ത്തകള്‍ ഉണ്ടായിരുന്നു.
എന്നാല്‍ വാര്‍ത്തകള്‍ എല്ലാം വെറുതെയാണെന്ന് താരം വ്യക്തമാക്കി. ഒരുപാട് പ്രോജക്ടുകളുടെ ചര്‍ച്ചകള്‍ നടക്കുന്നുണ്ട്. എന്നാല്‍ എല്ലാ ചിത്രങ്ങളിലും അഭിനയിക്കാന്‍ താല്‍പര്യമില്ല.
പുതിയതായി എന്തെങ്കിലും ചെയ്യാനുള്ള കഥാപാത്രങ്ങള്‍ അവതരിപ്പിക്കാനാണ് ആഗ്രഹിക്കുന്നതെന്ന് താരം വ്യക്തമാക്കി. ഒപ്പം കോമഡി കഥാപാത്രം ചെയ്യണമെന്നത് തന്റെ സ്വപ്നമാണെന്നും പ്രിയ പറയുന്നു.
