ന്യൂഡല്‍ഹി: പ്രോ കബഡി ലീഗിന്റെ ആറാം സീസണില്‍ നിലവിലെ ചാമ്പ്യന്‍ പറ്റ്ന പൈറേറ്റ്സിന് വീണ്ടും തോല്‍വി. ഹരിയാണ സ്റ്റീലേഴ്സ് 43-32 എന്ന സ്‌കോറില്‍ ആധികാരികമായി ജയിച്ചപ്പോള്‍ മറ്റൊരു മത്സരത്തില്‍ യു മുംബൈ ദബാംഗ് ദില്ലിയെ 38-36 എന്ന സ്‌കോറിന് തോല്‍പ്പിച്ചു. റെയ്ഡുകളില്‍ പോയന്റുകള്‍ വാരിക്കൂട്ടിയ ശ്രീകാന്ത് ജാദവും പ്രശാന്ത് കുമാര്‍ റായിയും ചേര്‍ന്നാണ് മുംബൈയെ വിജയത്തിലേക്ക് നയിച്ചത്. ശ്രീകാന്ത് 12ഉം പ്രശാന്ത് 11ഉം പോയന്റുകള്‍ സ്വന്തമാക്കി.
ദബാംഗ് ദില്ലിക്കു വേണ്ടി നവീന്‍ കുമാര്‍ 13ഉം ചന്ദ്രന്‍ രഞ്ജിത്ത് 10 പോയന്റുകള്‍ നേടി. നവീന്‍ ടീമിനായി 12 പോയന്റുകള്‍ നേടിയപ്പോള്‍ വികാഷ് ഖണ്ടോല 10ഉം കുല്‍ദീപ് സിങ് അഞ്ചും പോയന്റുകള്‍ നേടി.
