ന്യൂഡല്‍ഹി: പ്രോ കബഡി ലീഗിന്റെ ആറാം സീസണില്‍ ജയ്പൂര്‍ പിങ്ക് പാന്ഥേഴ്സിനും ഗുജറാത്ത് ഫോര്‍ച്യൂണ്‍ ജെയന്റ്സിനും വിജയം. ജയ്പൂര്‍ 45-28 എന്ന സ്‌കോറിന് യുപി യോദ്ധയെ തകര്‍ത്തപ്പോള്‍ ബംഗാള്‍ വാരിയേഴ്സിനെതിരെ 35-23 എന്ന സ്‌കോറിനാണ് ഗുജറാത്തിന്റെ വിജയം. ദീപക് ഹൂഡയുടെ 10 പോയന്റാണ് ജയ്പൂരിന്റെ വിജയം.
അജിങ്ക്യ പവാര്‍ 9 പോയന്റുകള്‍ നേടി. സന്ദീപ് ധുള്‍, സുനില്‍ സിദ്ധ്ഗവില്‍, അനൂപ് കുമാര്‍ എന്നിവര്‍ അഞ്ചു വീതം പോയന്റുകളും സ്വന്തമാക്കി. ഏഴ് പോയന്റുകള്‍ നേടിയ നിതേഷ് കുമാര്‍ ആണ് യുപി യോദ്ധയുടെ ടോപ് സ്‌കോറര്‍.
