ന്യൂഡല്‍ഹി: പ്രോ കബഡി ലീഗിന്റെ ആറാം സീസണില്‍ തമിഴ് തലൈവാസിനും ദബാംഗ് ദില്ലിക്കും വിജയം. തെലുഗ് ടൈറ്റന്‍സിനെ 27-23 എന്ന സ്‌കോറിനാണ് തലൈവാസ് തോല്‍പ്പിച്ചത്. മറ്റൊരു മത്സരത്തില്‍ ദബാംഗ് ദില്ലി ഗുജറാത്ത് ഫോര്‍ച്യൂണ്‍ ജയന്റ്സിനെ 29-26 എന്ന സ്‌കോറിനും കീഴ്പ്പെടുത്തി.
ക്യാപ്റ്റന്‍ അജയ് താക്കൂറിന്റെ 8 പോയന്റ് പ്രകടനമാണ് തലൈവാസിന് തുണയായത്. സുകേഷ് ഹെഗ്ഡെ അഞ്ചു പോയന്റുകളുമായി മികച്ച പിന്തുണ നല്‍കി. മറുവശത്ത് രാഹുല്‍ ചൗധരി എട്ടും നീലേഷ് സോളങ്കെ നാലും പോയന്റുകള്‍ വീതം നേടിയെങ്കിലും ടീമിനെ ജയത്തിലെത്തിക്കാന്‍ കഴിഞ്ഞില്ല.
