കൊച്ചി: ചെല്ലാനത്ത് കടല്‍ഭിത്തി നിര്‍മിക്കുന്നത് നീളുന്നതിനെതിരേ തലകുത്തിനിന്ന് സമരം ചെയ്ത് ജനകീയവേദി അംഗം. കടല്‍കയറ്റ പ്രശ്‌നത്തിന് പരിഹാരം ആവശ്യപ്പെട്ടാണ് സമരം. ചെല്ലാനം ജനകീയവേദി രക്ഷാധികാരികളില്‍ ഒരാളായ വി.ടി.സെബാസ്റ്റ്യനാണ് സമരവുമായി രംഗത്തെത്തിയത്.
തലതിരിഞ്ഞ തീരുമാനങ്ങളാണ് ചെല്ലാനത്ത് സര്‍ക്കാര്‍ എടുക്കുന്നതെന്ന് ആരോപിച്ചാണ് വി.ടി.സെബാസ്റ്റ്യന്‍ പ്രതീകാത്മകമായി തലകുത്തി നിന്ന് സമരം ചെയ്തത്. കടല്‍ഭിത്തി നിര്‍മാണം ഉള്‍പ്പെടെയുള്ള ആവശ്യങ്ങളുമായി ചെല്ലാനത്ത് തുടരുന്ന സമരം ഇന്ന് 281-ാം ദിവസത്തിലെത്തി.
