ഡല്‍ഹി: പ്രധാനമന്ത്രി നരേന്ദ്രമോദിയെ സന്ദര്‍ശിച്ച് ഇന്ത്യയുടെ അഭിമാനമായ പ്രഗ്നാനന്ദയും കുടുംബവും. പ്രഗ്നാനന്ദയെയും കുടുംബത്തെയും നേരില്‍കാണാന്‍ കഴിഞ്ഞത് ഏറെ സന്തോഷകരമായ നിമിഷമാണെന്ന് പ്രധാനമന്ത്രി പറഞ്ഞു. കൂടിക്കാഴ്ചയുടെ ചിത്രങ്ങള്‍ ട്വിറ്ററില്‍ പങ്കുവെച്ചുകൊണ്ടായിരുന്നു പ്രധനമന്ത്രിയുടെ പ്രതികരണം. പ്രഗ്നാനന്ദയെ കുടുംബത്തോടൊപ്പം കാണാന്‍ കഴിഞ്ഞതില്‍ സന്തോഷമുണ്ട്. ഇന്ത്യയിലെ യുവാക്കള്‍ക്ക് ഏത് മേഖലയും കീഴടക്കാന്‍ കഴിയുമെന്നതിന് ഏറ്റവും വലിയ ഉദാഹരണമാണ് നിങ്ങള്‍. പ്രഗ്നാനന്ദയെക്കുറിച്ച് ഓര്‍ത്ത് അഭിമാനിക്കുന്നു എന്നും പ്രധാനമന്ത്രി എക്‌സില്‍ കുറിച്ചു.
പ്രഗ്നാനന്ദയുടെ പോസ്റ്റ് റിട്വീറ്റ് ചെയ്തുകൊണ്ടാണ് പ്രധാനമന്ത്രി സന്ദര്‍ശനത്തെക്കുറിച്ച് അറിയിച്ചത്. പ്രധാനമന്ത്രിയെ സന്ദര്‍ശിച്ചപ്പോഴുള്ള ചിത്രങ്ങള്‍ പ്രഗ്നാനന്ദ പങ്കുവെച്ചിരുന്നു. പ്രധാനമന്ത്രി നരേന്ദ്രമോദിയെ അദ്ദേഹത്തിന്റെ വസതിയില്‍ കാണാന്‍ സാധിച്ചത് വലിയൊരു ബഹുമതിയാണ്. തനിക്കും മാതാപിതാക്കള്‍ക്കും പ്രചോദനം പകരുന്നതായിരുന്നു കൂടിക്കാഴ്ചയെന്നും പ്രഗ്നാനന്ദ കുറിച്ചു.
