ചെങ്ങന്നൂര്‍ : ബിഡിജെഎസിന്റെ പിന്തുണ ഉണ്ടായിരുന്നെങ്കില്‍ ചെങ്ങന്നൂരില്‍ മികച്ച പ്രകടനം നടത്താനാകുമായിരുന്നെന്ന് എന്‍ഡിഎ സ്ഥാനാര്‍ഥിയായിരുന്ന പി.എസ്.ശ്രീധരന്‍ പിള്ള. ബിഡിജെഎസിനെ പിണക്കിയത് ചെങ്ങന്നൂരില്‍ തിരിച്ചടിയായെന്നും ശ്രീധരന്‍ പിള്ള പറഞ്ഞു.
വാഗ്ദാനം ചെയ്തിരുന്ന പദവികള്‍ അവര്‍ക്കു കൊടുക്കാതിരുന്നതു വിനയായി. സമുദായ താല്‍പര്യങ്ങള്‍ ഉള്‍ക്കൊള്ളുന്ന ശൈലിയല്ല ബിജെപിക്ക്. ഇക്കാര്യം തിരഞ്ഞെടുപ്പിനു മല്‍സരിക്കുമ്പോള്‍ത്തന്നെ ബോധ്യമുണ്ടായിരുന്നുവെന്നും അദ്ദേഹം അവകാശപ്പെട്ടു.
എസ്എന്‍ഡിപി വോട്ടുകള്‍ സിപിഎമ്മിന് കിട്ടി. സാമുദായിക വോട്ടുകള്‍ സ്വന്തമാക്കുന്നതില്‍ മറ്റു പാര്‍ട്ടികള്‍ സിപിഎമ്മിനെ കണ്ടുപഠിക്കണമെന്നും ശ്രീധരന്‍ പിള്ള വ്യക്തമാക്കി.
