കോട്ടയം: പുതുപ്പള്ളി ഉപതെരഞ്ഞെടുപ്പില്‍ യുഡിഎഫ് തെരഞ്ഞെടുപ്പ് കണ്‍വെന്‍ഷന്‍ ഇന്ന്. വൈകിട്ട് 4 മണിക്ക് എഐസിസി ജനറല്‍ സെക്രട്ടറി കെ.സി. വേണുഗോപാല്‍ ഉദ്ഘാടനം ചെയ്യും. ഇന്നത്തെ യുഡിഎഫ് കണ്‍വെന്‍ഷനില്‍ പ്രതിപക്ഷ നേതാവ് വി. ഡി സതീശന്‍ അധ്യക്ഷത വഹിക്കും. കെപിസിസി പ്രസിഡന്റ് കെ.സുധാകരന്‍, യുഡിഫ് നേതാക്കളായ പി.കെ കുഞ്ഞാലിക്കുട്ടി, പി ജെ ജോസഫ്, ഷിബു ബേബി ജോണ്‍, മാണി സി കാപ്പന്‍ തുടങ്ങിയ നേതാക്കള്‍ പങ്കെടുക്കും.
മറ്റന്നാളാണ് ഇടതുമുന്നണിയുടെ കണ്‍വെന്‍ഷന്‍. സിപിഐഎം സംസ്ഥാന സെക്രട്ടറി എംവി ഗോവിന്ദന്‍ ഉത്ഘടനം ചെയ്യും. ഇടത് സ്ഥാനാര്‍ത്ഥിയായി ജെയ്ക് സി തോമസിന്റെ പ്രചാരണത്തിനായി മുഖ്യമന്ത്രി പിണറായി വിജയനെത്തും. പുതുപ്പള്ളിയില്‍ 24 ന് പ്രചാരണത്തിനെത്തുന്ന മുഖ്യമന്ത്രി അയര്‍ക്കുന്നത്തും പുതുപ്പള്ളിയിലും ചേരുന്ന എല്‍ഡിഎഫിന്റെ യോഗങ്ങളില്‍ പങ്കെടുക്കും. അതേസമയം, ആദ്യഘട്ട പ്രചാരണത്തിന് മന്ത്രിമാര്‍ പങ്കെടുക്കുന്നില്ല. 31 ന് ശേഷമാണ് രണ്ടാം ഘട്ട പ്രചാരണം.
